› 選擇地區
三藩市
紐約
洛杉磯
其他美國地區
香港 台灣 北美
 
2014年08月07日

中環在線:電盈曲線宣佈
聯通營銷大將唔撈 - 李華華

唔知李剛會否在聯通業績會上正式同大家講再見呢。

自從內地嘅虛擬電訊商(MVNO)開始營運之後,內地傳媒成日傳出呢班MVNO想向三大電訊商挖角,其中傳得最熱嘅,就係聯通(762)副總經理李剛。
市傳李剛被華翔聯信挖去做董事長已有一段日子,上月更加傳到國資委已經批准李剛嘅辭職申請㖭,聯通就一直未有正式公告。
直至噚日電訊盈科(008)公佈,李剛辭任非執行董事同董事會轄下薪酬委員會成員,咁就幾乎可以話係曲線證實李剛真係會離開聯通,皆因李剛係代表聯通母公司聯通集團入電盈做董事,𠵱家集團搵咗另一位副總經理張鈞代替李剛,華華有理由相信李剛今次真係同聯通講再見。
57歲嘅李剛係聯通歷來級別最高嘅離職高管,被外界形容係內地三大電訊營運商之中最出名嘅營銷大將,平日業績會都會同一眾領導現身,咁啱今日聯通中期業績會,李剛應該會同大家講聲再見卦。

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載