蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年08月21日
馬上成為壹會員

曾淵滄:首重供唔供得起

曾淵滄認為,每個人買樓都總會有其入市理由。 資料圖片

【專家意見】
供得起,買樓自住無問題,正正是近期入市買家的取態,不少網民都變身樓市專家,網上大談樓價不跌之謎,主因供不應求、加息有排未殺埋身,叫睇淡樓市的市民繼續葡萄。然而睇到沙田中心賣到萬五蚊一呎,網民嘩嘩聲之外,也不禁講一句:「傻的嗎?」大學教授曾淵滄表示:「每人買樓都有他的理由!」
曾教授指,「有人急住買樓,又拎唔到好大嚿錢,咪惟有買細單位,於是搶高呎價,但成交額卻是他負擔範圍,呎價幾高唔重要,最重要供唔供得起。」他續稱:「買樓嘅人買入嗰陣梗係覺得樓價仲有得升先會買,如果佢覺得樓價會跌,無理由會買嘅!呢個世界無蠢人,只不過大家對樓市的預測和水平都唔同。」
對於現時市場頻錄創新高成交,曾教授認為,這情況與去年大劈價是同一類故仔,「有人周轉唔來咪大劈價,有人急住買樓咪創新高,問題是有幾多創新高,係咪普遍。中原城市指數由今年2月至今日升5%,同90年代初樓價狂升,實在差太遠。那年代,一年可升一倍。目前同當年比,哼!真係小兒科!」
曾教授補充,整體樓價去年跌約5%,今年升返5%,樓價其實無大起伏,「大家唔使驚!」

相關新聞:市中心6,200伙 僅10鎖匙盤沙田樓缺盤頻破頂

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載