› 選擇地區
三藩市
紐約
洛杉磯
其他美國地區
香港 台灣 北美
 
2014年08月21日

Prof J財技特訓班:追蹤國瑞置業 - 徐燦傑

最近多隻股票已破52周高位。

話咁快,恒指喺你同我都以為破唔到25000關口下,又破咗,得咗。其實呢種係期望管理,令你覺得咁辛苦又破咗,可以向下一站出發,一步一步咁,好過一嘢抽上去,無料到,係唔係?
識我嘅都知道,大股我炒,細股我又炒,因為,從炒嘅過程當中,令我更加地清楚佢哋嘅動態,唔係升,就係跌,成交量非常重要,資金流向非常重要,同時,有乜嘢經紀大名參與過其中亦都非常重要。

收入增長以倍計

2009年,Prof J 第一隻寫嘅股係TCL多媒體(1070),投資者嘅關係,大佬又好口才,人又有型,當然,冇我咁有型。
睇得出,TCL由傳統工業走向高瑞資訊科技,向互聯網、機頂盒、遊戲機三路雄師進發,似乎較同業有先見之明,最緊要係轉身夠快,管理層執行能力非常高。
悶咗咁耐,終於企定喺牛熊分界線,企得穩,加上低過淨資產值,配合可能出現嘅財務訊息同基金數據支持,開始有亮點,睇實。
除咗TCL多媒體,呢排多隻股票已破咗52周高位。Prof J用蜻蜓投資法捉到隻國瑞置業(2329),國瑞簡直係物流嘅專家,負責開發、建設、投資以及管理等服務。
現時國瑞除咗喺廣東、北京等大城市發展外,更加喺汕頭、佛山、瀋陽、西安等多個經濟高速增長嘅大中型城市,增加土地儲備或開發精品住宅等投資性物業。
幾年後,發展更加成熟,規模更加強勁,收入會加倍上升。
國瑞呢幾年收入顯然強勁,複合年增長率有成97.4%咁多,但是,現時股價未反映真實業務,喺2.48元附近有唔錯嘅支持,目標價3元,睇吓基本因素嘅改變,會唔會令呢隻股點燈先,繼續追蹤,出發!

徐燦傑 
齊魯國際控股首席策略總監
本欄逢周四刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載