蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年08月21日
馬上成為壹會員

中環在線:
柯震東囚衣 淘寶有價冇市 - 李華華

查實喺淘寶網乜嘢都可以有得賣,真係諗佢唔到。  網上圖片

柯震東同房祖名涉嫌吸毒一案廣受關注,網民不單落力改圖抽水,就連淘寶商家都抽埋一份。央視日前播出柯震東穿着藍黃色囚衣哭着認錯的片段,淘寶網即出現商家出售柯震東所穿的同款囚衣,至少有近四十個商家出售囚衣,最平5元人民幣就有交易。
不過,咁多商家賣又點,十居其九都係「零」成交,只有其中一間提供多個男、女裝不同尺碼並號稱「獨家發售」的商家,有22宗成交紀錄,買家近八成都是男性,唔通佢哋以為着咗套衫就會變做柯震東?
相信商家咁抽水法,柯震東粉絲都唔好受。所以部份商家都喺商品有特別聲明:「賣衣服本無惡意,請柯震東粉絲們冷靜對待。」更有商家邊賺錢邊說教,話「希望大家在穿上本套裝娛樂的同時,告誡自己不要觸碰法律這張網!」
華華噚日見到淘寶網香港地區業務主管呂紹勇,當然問吓佢係咪好多人買呢款囚衣,不過佢就冇回應。華華有個朋友以前就成日講:「喺淘寶,乜都可以搵到!」以前華華唔信, 𠵱家就信喇!

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載