蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年08月21日
馬上成為壹會員

職場慧眼:教我如何答阿仔
- 張慧敏

有年輕人認為,由於香港人無法改變政府政策,於是將怒氣反射在內地人身上。

「神媽,近來好嗎?我有事想請教你,係關於社會發生的事,想聽你點諗。近日成日都見到反佔中的宣傳,姑且唔講佔中本身這件事好唔好,但反佔中的廣告首先開名話要畀『戴先生』睇吓有幾多人,第二又用非黑即白的邏輯話,人哋話佢哋低質素;之後咁多唔知乜嘢係佔中的人出嚟行,再畀人影到派錢、包場請食飯、一車車旅遊巴咁,仲明明睇見冇咁多人,警察都要幫佢哋話人數多過7.1!我突然間覺得點解咁多人可以睜大眼講大話,完全唔覺得有問題,社會係咪冇咗良心良知可言?順便回應你的文章(熱血冷血),其實我都覺得好可怕,不過我自己咁諗,好多人都把社會上的不公同埋好有戾氣的社會問題,全部投射在大陸人身上。佢哋係咪對香港人的生活造成滋擾?我都覺得係,搭交通工具,行吓街都知;但真正的問題係政策,香港人無法改變政府的政策,於是將怒氣反射喺大陸人身上。我記得神媽你問過,我哋香港有乜嘢人真係香港原居民?發人深省,我哋其實都無資格用人哋邊度嚟去評論佢。真係要評論嘅話係應該以佢哋的品格、良知等等,而且最好當然唔好咁偏激武斷,因為每個人都有唔同的過去,評論應該係對事去以事論事,而不是對人。所以我好傷心,社會人人都好似變咗質咁!」
以上是我的科大阿仔Ken發給我的短訊,教我百般滋味在心頭。香港從未如此動盪不安、四分五裂過。自強不息打不死、人人為我我為人人的香港精神,究竟去咗邊?此時此刻,香港需要更多像Ken一樣心繫香港,願意為社會付出及貢獻的年輕人。做個真漢子大丈夫,頂天立地義無反顧,神媽永遠支持你!

張慧敏
http://www.facebook.com/HKcareerdoctor

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載