› 選擇地區
三藩市
紐約
洛杉磯
其他美國地區
香港 台灣 北美
 
2014年09月29日

中環在線:80後banker離職幫細路 - 李華華

曾嘉汶(左)話呢啲錢罌係由小朋友設計,其丈夫王立亦表態支持理財工作坊活動。

除咗資深賓架,香港亦有一班80後投行精英,自掏腰包成立非牟利團體「希望階梯(Finance For Hope)」,向基層兒童灌輸理財知識。兩個創辦人曾嘉汶(Carmen)、閰培(Margaret)更放棄瑞銀(UBS)嘅高薪工作,希望身體力行,藉此改善外界普遍對金融人士嘅負面形象,仲同東華三院、香港樂童行、成長希望基金、六間位於新界嘅中學合作,合作舉辦理財工作坊。
Carmen老公、英資投行任職副總裁嘅王立(Kevin)承認,自08年金融海嘯之後,賓架畀外界嘅形象比較負面,所以會全力支持Carmen嘅決定,自己喺「希望階梯」會擔任顧問、義工工作。佢覺得基層兒童比其他團體更有需要汲取理財知識,仲話身邊好多投行朋友已響應義工活動,好肯抽時間去唔同學校、地區舉辦理財知識工作坊。
而佢哋最有創意嘅橋,係喺各大投行擺放由小朋友設計嘅豬仔錢罌,等同事可以將零錢放入去,之後再喺工作坊將錢罌送畀成功達標儲錢嘅小朋友。Carmen話,𠵱家雖然只係大約有20個錢罌,但目標係要今年內喺各投行擺放100個錢罌喎。

相關新聞:中環在線:賓架學「深水埗明哥」德銀向基層派飯

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載