› 選擇地區
三藩市
紐約
洛杉磯
其他美國地區
香港 台灣 北美
 
2014年10月06日

中環在線:重視企業形象 俾女公關搞禍
鄭志剛實嬲到爆 - 李華華

鄭志剛咁重視公司形象,今次可能真係會唔多高興了。 資料圖片

雖說每人都有言論自由,但去到大是大非,有啲線係不容踩過。周大福(1929)公關副總監葛梅珍(Joanna)日前喺facebook留言反佔中兼鼓吹非禮,喺公關同財經界引起頗大迴響。周大福第三代接班人鄭志剛(Adrian)一向十分重視個人同企業形象,有理由相信呢位姐姐已經令到Adrian暴跳如雷。
公關引起公關災難的確令人無言。根據網上資料,呢位Joanna好有經驗,喺Swank、Lanvin等幾個國際大品牌做過公關,2012年3年過檔周大福,佢直屬上司陳義邦(Alan)負責周大福品牌管理兼市場推廣,Joanna主要係負責呢瓣工作,較少跟財經記者打交道。

猛將陳義邦匆匆收線

但喺財經界,好多人都知道周大福接班人Adrian十分重視形象,唔使講公司形象咁遠,淨係見佢近年積極減磅,著親西裝都襯到又型又潮就知喇。因此,Adrian亦都負責周大福嘅品牌管理,聞說,陳義邦正正就係Adrian其中一位猛將,真係唔知呢位猛將今次點收科喇。
華華噚日打過電話搵陳義邦,佢話要交畀公關處理,並推說有電話入就匆匆收線,又一個危機處理嘅「完美」示範!
好多公關朋友噚日都有相同疑問,就係作為公關,係咪唔可以喺自己facebook隨心表達意見呢?呢個問題其實冇絕對答案,大家要憑良心與智慧去決定。

李華華
mailto:LiWaWa@AppleDaily.com

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載