› 選擇地區
三藩市
紐約
洛杉磯
其他美國地區
香港 台灣 北美
 
2014年10月06日

中環在線:
上交所高層 來港派定心丸? - 李華華

上海交易所對滬港通安排表現得好積極。

佔中超過一星期,財經界唔少人擔心阿爺會延期推行滬港通作為懲罰,事實上,阿爺要拖嘅話,亦大把理由,淨係話中港兩地證監會未傾掂數就已經得,難怪一班股市好友腳震震。好在上海交易所依然表現積極,總經理黃紅元已經帶隊來港,今朝會喺交易所展覽廳同一班有份參與滬港通嘅本地券商代表開會,表面上繼續為滬港通做準備。
上交所今年8月已經派過高層來港會見本港中小券商,黃紅元上次冇嚟,今日主要同班有份參與滬港通嘅券商交流最新情況,兼且了解香港券商面對乜嘢問題。呢個會喺佔中啟動前已經安排好,並唔係針對佔中嘅緊急會議,不過𠵱家佔中啟動,券商又緊張滬港通延期開通,今日肯定大把人關心幾時開車。
立法會金融服務界議員張華峰就覺得「政治歸政治,經濟歸經濟」,相信阿爺唔會因為佔中而打亂滬港通推出嘅時間表。

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載