› 選擇地區
三藩市
紐約
洛杉磯
其他美國地區
香港 台灣 北美
 
2014年10月06日

中環在線:
證券界賀國慶 齊集中環「去飲」 - 李華華

證券界好有信心咁話,佔中唔會對喺大會堂搞嘅晚宴有影響。 資料圖片

佔中啟動超過一星期,財經界好多人唔係反對,就係選擇唔出聲,包括證券學會、中資證券業協會等九大金融業商會嘅代表今晚將會齊集中環大會堂美心皇宮,不過大家唔好諗多咗,佢哋唔係商量點樣叫CY收科,而係「去飲」賀國慶,佔中清場與否,佢哋呢餐都會繼續。
查實國慶正日都過咗幾日,今晚先賀國慶會唔會遲咗啲呀,慶生通常都係提早或正日進行㗎喎,佢哋仲要揀喺中環嘅大會堂美心舉行,出席嘉賓包括早兩個月先出任香港中聯辦前副主任嘅仇鴻、財庫局局長陳家強、就快退休嘅財庫局常秘區璟智同埋港交所(388)主席周松崗等等。
身為搞手嘅證券學會會長李細燕指,佔中唔會對晚宴有影響,無論政府有冇清場,今晚都會繼續舉行呢個愛國派對咁話。唔知佢哋又預唔預一班示威者去贈興呢?

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載