› 選擇地區
三藩市
紐約
洛杉磯
其他美國地區
香港 台灣 北美
 
2014年10月09日

女神tea time:CY令我注意的股 - Fifi

Fifi身為女人,可以好肯定,只要有marketing,呢啲茶一定有客! 資料圖片

正當香港陷入史無前例嘅政治危機時,澳洲傳媒突然爆出特首梁振英涉貪。即係咁,於民望咁低之時,突然有白紙黑字嘅文件公諸於世,其實對廉政公署來講,係一個大好機會重建聲譽!
之前「湯顯明事件」搞到廉署聲譽低沉,今次如果能夠出手調查梁振英(即係佢老細)涉貪案,兼夾以極高調姿態示人,仲要出盡全力去查,一定令廉署挽回唔少民望。查老細,未死過?唔使怕啦,如果佢咁都唔落台,就係習近平冇面,睇佢條「特首命」都命不久矣。
話說多得梁振英,好多女仔成日挨夜去金鐘,搞到大家都話「唔使減肥」啦。瘦,對女仔來講真係好重要。近年碧生源(926)勁谷減肥茶業務,減肥茶work唔work?未飲過亦唔需要,所以唔考究。不過身為女人,我可以好肯定,只要有marketing,呢啲茶一定有客!
今年初開始,碧生源已執靚減肥茶包裝兼加價,提高格調,仲學人做真人show冠名贊助,令今年上半年價量齊升,減肥茶銷量升9.9%,銷售收入上升39.8%至1.83億元,貢獻總收入58%。
碧生源上半年仲扭虧為盈,錄得1,720萬元盈利。加上剛開拓電商渠道,呢方面相信未來都仲有增長空間,業績預期可以漸上軌道。碧生源股價噚日有突破,大陽燭大升近一成收市,仲要大成交,明顯有資金追啦,個圖咁靚,可以跟注!

Fifi
http://www.facebook.com/lovefrystock
本欄逢周二、四刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載