› 選擇地區
三藩市
紐約
洛杉磯
其他美國地區
香港 台灣 北美
 
2014年10月30日

女神tea time:少林寺有聲有色 - Fifi

少林寺吸金渠道多不勝數,經濟貢獻大到搞上市都仲得。 資料圖片

以前出trip,恨不得玩多幾日唔使返工。不過最近出trip近十日,前所未有地咁思鄉,每日都留意新聞,但每次睇都覺得好竧。一個能夠講得出「14k冇民主」、宗教、體育冇經濟貢獻嘅領袖,竟然就係香港特首。
有睇開新聞都知,就算係內地,宗教及體育都可以話係經濟兩大產業。體育產業呢排已經有好多人講過,咁不如等我講下宗教。講近嘅有香港寶蓮寺,每年呢座佛寺為香港旅遊業貢獻咗幾多,相信政府有數得計。
講遠啲有少林寺,老早成為一個商業品牌。少林寺收入早已突破全年總計1億人仔大關,目前公司規模仍不斷擴大,更開設唔少附屬公司,業務多到數唔晒。少林寺收入來源除咗有少林寺入場費外,包括來自武僧團世界巡迴表演收費、少林無形資產管理嘅品牌授權業務;又試過搞功夫之星大賽、歌唱大賽吸金;藥局、書局、文化中心,甚至係少林食品都撈埋;近年更盛傳少林寺搞上市。
你可以批評少林寺過份商業化,但明明大大個商業案例喺度,識搞宗教嘅都可以搞得有聲有色。CY政府冇投入資源去拓展,就一口咬定話人哋冇經濟貢獻,咁樣諉過於人,咁唔負責任嘅講法,恐怕佛都有火!

Fifi
http://www.facebook.com/lovefrystock
本欄逢周二、四刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載