› 選擇地區
三藩市
紐約
洛杉磯
其他美國地區
香港 台灣 北美
 
2014年11月11日

女神tea time:阿爺的師奶行為 - Fifi

金天醫藥目前已進駐天貓及京東商城。 資料圖片

菲菲10月初就已經講,唔信阿爺會因為雨傘運動叫停滬港通,而家果然應驗。諗番轉頭,成件事就好似師奶講價,決定要買一樣嘢,但又要扮嫌貴擰轉頭走。李小加都再三講明,今次搞滬港通,前提係要幫內地資本市場開放,唔係幫香港。阿爺之前好似師奶咁,兇你冇得通,今次正式係姣婆守唔到寡。不過,滬港通歷史任務係,令內地最終達至資本市場開放。若真係到嗰一日,恐怕屆時香港對內地來講,戰略地位相信會更低,到時香港真係自求多福。
噚日港股滬港通相關股狂炒,其他股份俾人放埋一邊,正好俾時間你搵好嘢。金天醫藥(2211)10月初被主要股東CVC沽貨套現逾6億元,之後見底反彈,呢個幾月以來,可算係來回地獄又折返人間,相信中線隻股中線可以繼續睇好。最重要係有電商概念。市傳互聯網藥品銷售政策年底前出台。金天查實早就有醫藥電商策略,目前已進駐天貓及京東商城。所以當政策真係出台,金天可算係早推早享受。金天之前受CVC沽貨拖累,但當時折讓3.5%,幅度唔算太大,而家都反映晒。另外,金天醫藥早前收購頻頻,先後收購瀋陽維康醫藥及黑龍江金天愛心餘下股權,東北版圖壯大。公司一直專注高毛利產品,上半年毛利率高達三成,相信業績會更好。不過而家預測PE只係11.8倍,值博率仍高,買入等收成。

Fifi
http://www.facebook.com/lovefrystock
本欄逢周二、四刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載