› 選擇地區
三藩市
紐約
洛杉磯
其他美國地區
香港 台灣 北美
 
2014年11月11日

樂香園:誠哥的靚殼 - 海迪

靚殼難求,擁有一隻曾沾上李嘉誠名氣的殼更是罕見。  資料圖片

和記港陸(715)賣殼畀內地大型地產發展商泛海的交易,上周終於落實。大股東和黃(013)將以38.23億元代價,出售港陸71.36%權益予泛海,泛海同時亦會向其他小股東提出全購。泛海志在上市地位,自然唔想私有化,如果太多小股東跟飛,港陸就要再停牌等配股。以泛海提出收購價每股0.5973元計,整間港陸作價為53.57億元。
港陸在收購公告中,說自己截至去年底止本book有61億元,表面上睇收購價好似較資產價格有少少折讓。但其實今次賣盤條件之一,是港陸要先派番部份股息畀原有股東,總共18億元。如果扣咗呢部份,港陸截至9月底止本book只得番41.77億元。即是次泛海提出的收購價,為港陸市賬率約1.28倍。
港陸是內地收租股,只在上海擁有兩幢物業收租,年租金收入約8,800萬元。泛海今次肯用1.28蚊、去買價值1蚊的資產,如果唔係呢批物業的估值被大幅低估,就係呢隻殼好貴。有幾貴?交易作價較本book高出11.8億元。唔怪得和黃肯「割愛」,不得不再一次佩服誠哥買賣的眼光。
近12億元買隻殼,係咪好任性?咁要視乎泛海日後點利用呢隻殼,同埋批物業本身仲有無得再摔高價值的潛力。靚殼難求,擁有一隻曾沾上誠哥名氣的殼更是罕見。貪名牌係要有啲代價的。

海迪

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載