› 選擇地區
三藩市
紐約
洛杉磯
其他美國地區
香港 台灣 北美
 
2014年11月11日

【今天是光棍節......】
香港百萬單身男女的商機

香港的男人,就像樓。優質的、實用的,用家一早入市、封盤,不再available。間隔有問題的,座向差的,地點隔涉的,亦有捧場客「上住先」,伺機換樓。剩下來的呢?凶宅、墳景盤、對正F1跑道的,也竟然有重口味買家入市。僅餘放售、因故重開的「盤」,自有代理促成交易。男女間的配對,亦有Agent幫忙,但不同的是,地產代理不成功不收費,而「兩性代理」則不成功均收費。好在,不算太貴。

每年的今日,淘寶就「光棍」創造逾百億的零售額,香港,亦有靠「光棍」賺錢的行業--單身配對公司。香港的Speed dating 公司收費相若,一次「Table for N」或Party收費三四百元,扣除場地人手等成本,毛利不算高,商機卻龐大。據政府統計署資料,2013年20至49歲共有306.7萬人,未婚的有近150萬人,若其中10%的人一年參與類似活動一至兩次,行業收入可達逾億元,還未計算一些「額外」的顧客。

「有啲人可能結咗婚,有啲look for sex,有啲參加Speed Dating為左sell保險」,Speed Dating FEVER總監黃新發Frankie笑道。三年多前,Frankie離開他眼中式微的電子業,用十多萬元創辦配對公司,雖然現時每年純利只有二三十萬,他相信行業增長空間大,「自己預計每年參加人數同利潤都有一兩成增長,上網畀低電郵同電話就可以入會,門檻好底,現時有16000個會員,畀錢參加過活動的都有8000個。」

以Party為例,參與的有數十到百多人,如何避免有人魚目混珠,藉活動「搵食」?他指「每次活動都有1至2﹪係呢類人,我哋避免唔到,都係靠其他參加者舉報,咁我哋會block咗佢account唔畀佢參加,睇吓佢有幾多個電話!」

港男港女比例失衡,以上年為例,20至49歲從未結婚男女比例為0.94:1,即每1000名女性,只有不足950名男性。參加Speed Dating男性比例更少。「試過有一次活動頭30個報名嘅都係女士,到我地cut啦,唔再接受女士報名先開始有男士參加。一般活動男女比例大概4比6。」活動女士名額較緊絀,Frankie指部份活動,女士收費可比男士高出兩成。

重申一次,Speed Dating不成功也需收費。「一個event百幾人,我哋唔會逐個打電話問,所以都唔知成功率,不過我哋One on One配對服務成功率都有6成,成功指大家都覺得啱,會試吓拍拖,有幾多結婚就唔知啦。」當然,此類服務收費便不是三四百元了。

記者林幗欣

相關新聞:【事必Dating】點解香港咁多盛女?「真係揀唔落手」

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載