› 選擇地區
三藩市
紐約
洛杉磯
其他美國地區
香港 台灣 北美
 
2014年11月18日

中環在線:財金靚太 七彩賀通車 - 李華華

一班靚太嘅合照,畫面好繽紛。 易仰民攝

滬港通正式開車咁大件事,獲邀參加開市儀式嘅嘉賓當然要拍照留念,最搶眼肯定係金發局主席查史美倫與一班靚太合照,佢哋企埋一齊有紅、橙、黃、綠、藍,只欠青與紫就集齊彩虹七色喇。
根據色彩心理學,查太着住紅色衫到場,喜慶得嚟又夠搶鏡,輕易喺大型場合中展現自信與權威,果然識得揀。企喺查太旁邊嘅深交所總經理宋麗萍選擇綠色,應該都係有諗過度過嘅,事關綠色畀人安全感,喺協調人際關係上扮演重要角色,滬港通之後,深交所應該都想有深港通,趁滬港通開車儀式,搞好各方關係都係常識吧。
證監會副行政總裁張灼華選擇穿橙色,就畀人親切、開朗、健康嘅感覺。最多人着嘅黑色就低調得嚟有權威,難怪咁多行政人員選着喇。

相關新聞:中環在線:股佬港式普通話煞食內地講talk 股民like唔鹹唔淡夠地道

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載