蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年11月18日
馬上成為壹會員

金手指:聖鬥士住劏房 - 孫柏文

滬港通首日反高潮,港股通表現又弱,港交所真係沽得。 資料圖片

上周末,孫柏文同戰友匹馬出賽。簡單講完隻馬後,練馬師喺騎師前問我呢期股市有乜好買,我就同佢講:「超易,仲要合晒你哋胃口。因我知道你哋最鍾意跑完派彩知輸贏,所以你只要喺禮拜一朝早開市,走去買港交所(388)put輪或熊證,跟住到3點55分賣走就得。」練馬師一路聽一路輕輕皺眉,跟住話:「乜咁複雜嘅?有冇啲簡單啲㗎?」

港股通弱 港交所沽得

講真,噚日滬港通都算反高潮。我呢啲人都仲估用完來港額度後,啲人會發覺冇乜料到,點知原來噚日連個額都用唔晒。即係ceteris paribus,唔好話2,500億元人民幣,想來港總資金連100億元人民幣都冇,港股通購買浪,完。
當然,滬港通應該冇咁水皮,不排除港股平啲時,需求係price elastic嘅,不過第一日連單日額度都用唔晒,港交所真係沽得啦。我等緊啲大行分析員後知後覺調低佢評級。
今日,我仲想同大家講一段網絡現爆紅嘅講話。呢段嘢來自節目《在晴朗的一天爆粗》「佔中的解說」嗰集,用「聖鬥士星矢」講出啲後生點解要反。
當中講到就算做乜獅子山精神,都係買唔到樓,住番劏房,所以成其中一個佔中引爆位。我一聽仲估又係啲「政府做啲嘢」嘅行貨,又再何秀蘭上身。
點知,主持人話「而家叫你起多幾層樓,黃道十二宮話十二宮已經霸晒。不過唔係喎,蛇孚座有位喎,跟住隔籬獅子座嘅就走出來,話喺呢度起會遮住景觀喎,所以唔准起!只准十二宮!霸晒啦啲位,要等我死咗之後先有!」
一聽我就諗起公民黨嘅悍將司馬文,同一個又一個民主派議員。我亦明白點解佔中三子上金鐘大台攞咪想講嘢時,台下啲後生仔自動散水做自己嘢唔care佢哋。奉勸政府一句,成個民主派好廣闊嘅政綱中係得一樣市民要嘅,其他你做親都係引火自焚。咁要嘅係邊項?大家心照啦。

孫柏文
獨立股評人
http://facebook.com/shuen
本欄逢周二刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載