› 選擇地區
三藩市
紐約
洛杉磯
其他美國地區
香港 台灣 北美
 
2014年12月10日

魚樂無窮: 小股災後追揸沽策略 - 唐牛

阿爺出手收緊債券抵押,變相向股市抽水,A股隨即上演人踩人慘劇。  資料圖片

A股3000點攻防戰,淡友先勝一仗。阿爺出手收緊債券抵押,變相向股市抽水,A股隨即上演人踩人慘劇,尤以下晝鬥掟貨最可怕,高位計唔見8%。呢一刻,究竟係追沽、撈貨定按兵不動?
首先要問自己兩條問題︰第一,A股牛市玩完未?如果覺得牛市玩完,可以轉身射個三分波離場;未完呢?咁就要答埋第二條問題︰而家倉位如何?如果孖展水平高,唐牛建議先減磅,始終調整剛開始,唔知幾時先完,炒孖展贏錢當然重疊興奮,但輸錢亦可以輸到見骨,沽貨減低風險方為大師傅。如果係現金倉,就睇下持貨水平,如果超過八成以上,可先沽賬面輸緊嘅股票,候低加碼贏錢貨,汰弱留強也。如果六七成持倉甚至更低?恭喜你,呢一次調整係最好嘅上車機會,但低位唔易估,建議分注吸納,目標繼續係內銀、內險、券商及A股ETF。
咁究竟牛市完未?唐牛相對樂觀,難得股市重現生氣,阿爺肯定唔會咁快打殘佢。點解?首先股市係最方便嘅融資平台,但呢幾年卻一直發揮不到應有功效,中小企向銀行借錢難過登天,形成有錢冇人借、有人冇錢借局面,各式各樣理財產品更應運而生,計時炸彈越煲越大,如今股市上升,一次過解決多個問題。另外,股市產生財富效應,亦為放緩中嘅經濟注入新動力,利多於弊!

唐牛
https://www.facebook.com/tongcow88

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載