› 選擇地區
三藩市
紐約
洛杉磯
其他美國地區
香港 台灣 北美
 
2015年01月09日

專家論勢:貴州茅台勝同業

貴州茅台係大陸十大白酒品牌之一。 資料圖片

早前曾經統計過,滬港通通車至今,最具人氣嘅幾隻股份,今日就同大家研究一下佢哋點解咁有人氣。讀者對港股嘅了解相對唔會少,所以主力分析一下滬股通中嘅人氣股份。
首先從貴州茅台着手,眾所周知係大陸十大白酒品牌之一,主要競爭對手係深圳上市嘅五糧液。茅台於2001年上市,一直以來均為股民嘅愛股之一,拍得住港人愛騰訊(700)。
雖然中央推出三公消費政策之後,白酒市場進入調整期,公司收入同盈利難免會下降。不過,由於公司以生產高檔白酒為主,其淨利潤率過去兩年維持超過八成,遠遠跑贏同業,所以公司一向喺外資透過QFII同RQFII投資的愛股。不過,市場普遍對白酒市場今年復蘇情況睇法仍然有分歧,但經過一輪調整後,唔排除市場會出現整合,而茅台被整合嘅機會唔大,反而可能併購其他酒商。
不過,舊年白酒市場增長只有約5%,為白酒市場最差嘅一年,暫時亦未見到有明顯嘅復蘇。面對三公消費政策,公司雖然已發展中低檔白酒,但內地市場在中低檔酒的品牌眾多,競爭激烈,投資風險仍不低。

流氓

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載