› 選擇地區
三藩市
紐約
洛杉磯
其他美國地區
香港 台灣 北美
 
2015年01月12日

睇吓鮮:李超人也離開時 - C+B

本港首富李嘉誠可以代表香港創業同致富嘅精神。 資料圖片

如果《叮噹》係本地配音卡通嘅象徵,橫跨香港60後、70後同80後嘅兩三代人嘅回憶。本港首富李嘉誠都夠資格,代表香港創業同致富嘅精神。
李嘉誠連續17年登上《福布斯》香港富豪榜第一位,身家暴漲至335億美金,標誌住香港人成功同發達秘笈,甚至連強國人都封李超人為偶像。去搜弧或者百度網搜尋,就有好多「十個李嘉誠成功之道」或者「香港首富李嘉誠」嘅金句。路經中環長江集團中心,會發現時不時有強國遊客開心selfie,因為就算不見李超人真身,都要睇吓佢總部係點。
長江(001)同和黃(013)上星期公佈重組方案,大家嘅重點落在兩間新公司長和、長地都係喺開曼群島註冊,變相遷冊。強國網民嘅反應,不比香港巴打、絲打反應慢。有強國巴打留言話「超人絕望喇?」、「係咪走佬」甚至「要跑嗎?走得了麼?」明明兩地一河之隔,網絡又有審查,點解心水仲同清過香港嘅同胞。李超人冇正面回應遷冊問題,仲話兩間公司仲會繼續喺香港上市。不過,有分析話超人舉動對香港經濟前景睇淡,並且明剃習總眼眉。外媒《金融時報》亦有話兒,報道講大集團分拆唔係乜新事,但今次係李嘉誠對新公司嘅部署,意味英國資本企業喺香港時代終結。大家講到咁欷歔,香港人唯有袋住李超人對特首689嘅評語:「try hard!」

C+B
本欄逢周一刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載