› 選擇地區
三藩市
紐約
洛杉磯
其他美國地區
香港 台灣 北美
 
2015年01月16日

中環迷你裙:你唔敢贏呀? - Samantha

港股唔知應該開心定愁爆好,人家國壽、中石油炒到接近漲停,隔岸H股僅升3.6%和1.5%。 資料圖片

偶像黃子華話,金融風暴下白領拍埋師奶炒股。「Tommy,升兩毫你就話放?你唔敢贏呀?」家陣凶兆重現,場口係A股,噚日趁着IPO尾聲,滬指怒挾3%收市,大陸財經網評論員話,股市和內險上周五大跳水是誤殺,昨天是糾正,聰明人應抓住市場的錯誤勇敢撈底,而唔係逃走。Samantha當堂「哇」咗出嚟!
家陣大陸教人炒股:跌要撈,升要食。要達到呢種境界,咁咪即係叫人反地心吸力?Sam難以跨越心理關口,唔少基金佬要「滿倉踏空」,仲話為咗炒大陸股,要同價值投資分手云云。港股唔知應該開心定愁爆好,人家國壽、中石油炒到接近漲停,隔岸H股僅升3.6%和1.5%。
吹脹?未算。南北車高層停牌重組前互相買入對家股票,在澄清內幕交易的通告上,兩家公司話班高層純屬個人價值投資行為,強國股民民怨沸騰,最諷刺的係北車A股荒謬地漲停,究竟改革重要,定民憤緊要啲,擺在眼前,資金賭阿爺為顧全大局隻眼開隻眼閉,再趁勢炒西部十二省市今年逾六千億人仔交通建設投資。
原本以為一眾鐵路股要回補裂口,呢幾日又買返上去,眼見個圖決心向上,若閣下夠膽量又想體驗炒中國國情的激情,可待北車(6199)升穿十日線買入。

Samantha
https://www.facebook.com/stocksamantha
本欄逢周三、五刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載