› 選擇地區
三藩市
紐約
洛杉磯
其他美國地區
香港 台灣 北美
 
2015年01月16日

專家論勢:內房出事快甩手

綜合投資界意見,花樣年同恒盛兩間公司出事嘅驚嚇程度遠不及佳兆業。圖為花樣年集團主席潘軍。 資料圖片

又有內房出事,今次輪到花樣年(1777)同恒盛(845),綜合投資界嘅意見,兩間公司出事嘅驚嚇程度遠不及佳兆業(1638),何解?「你都預咗㗎啦!」個答案咁鬼未卜先知,筆者梗係追問佢哋有乜蛛絲馬迹睇得到啦。
就花樣年嘅個案,綜合答案如下:花樣年本身都無乜資產,無端端拆隻彩生活(1778)出嚟,單係呢樣就要睇緊啲,仲有花樣年一出嚟賣點係乜?曾慶紅個姪女曾寶寶,炒大陸民企,高增長當然好玩啦,好起上嚟大茶飯,但眾所周知,佢哋有一樣致命性風險,就係政策或政治性風險(如果可以的話,真係想用紅字),即係唔知衰乜,呢家嘢真係會輸身家,曾慶紅傳涉周永康案就應該留意。
至於恒盛,呢隻嘢除咗上市果時好過下之外,咁耐都未好過,主席仲可以得閒無事去炒下美股,仲俾人周佢內幕交易,咁樣嘅公司,唔傳佢涉令計劃案,齋傳佢乜嘢不利消息都有人信,都唔使傳到走佬咁嚴重,有基金朋友仲話「之後咁多單野都唔沽佢嘅,唯一誘因只會係個投資者唔記得自已揸住。」所以仲揸住嘅,「梗係趁再有消息出嚟沽得就沽,佢係唔係無辜都好啦,我志在甩手!」

流氓

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載