› 選擇地區
三藩市
紐約
洛杉磯
其他美國地區
香港 台灣 北美
 
2015年01月19日

每日一趣:搞波有免死金牌? - 李可強

恒大主席許家印(左)搞波,被人話係不務正業,亦有人話係買政治保險。  資料圖片

內地整頓涉貪房企一間又一間。不過,凡係狂使錢搞足球嘅房企,包括恒大(3333)、富力(2777)、綠城(3900)等,而家暫時都冇事,唔通搞波真會有免死金牌?習近平鍾意足球舉世都知,以往啲土豪房企搞波,被人話係不務正業,亦有人話係買政治保險。而家反貪形勢咁嚴峻,到底有冇用,就嚟好快見真章。
中國足球同A股呢兩樣嘢,喺內地經常被人一齊比較,同樣都係盛行造假、唔講規矩;同樣都係長期積弱,喺過去幾年傷透股民和球迷心,可謂難兄難弟。不過好神奇咁,A股舊年牛冠全球,連中國足球表現亦脫胎換骨,喺最近亞洲杯外圍賽兩戰兩勝。上周三晚國家隊奇蹟踢贏烏茲別克,翌日滬綜指大升3.4%贈慶。
邊個係搞起中國足球嘅功臣?恒大肯定有份,過去幾年用咗幾十億元人幣股東嘅錢搞球隊,而家國家隊至少有七位球員來自恒大。呢筆功勞,習總應該擺喺心頭。
內地打老虎越打越多,不過喺習總過去主政過嘅福建、浙江兩省,至今仍沒有高官落馬。有人話,咁證明佢都好有人情味,識得關照手下。咁樣講,如果房企可以將習總重視嘅足球搞起,有起事上嚟,起碼都多條生路行下。

李可強

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載