› 選擇地區
三藩市
紐約
洛杉磯
其他美國地區
香港 台灣 北美
 
2015年01月20日

樂香園:金勞加唔加價? - 海迪

據經銷商朋友推測,香港名錶加價的機會都只係一半一半。 資料圖片

瑞士央行上星期終於宣佈要和歐元脫鈎,震撼整個市場,被嚇親的仲有本港一眾名錶零售商。一名勞力士名錶經銷商就話,香港的勞力士已經差不多兩、三年無加過價,因為美元相對走強,勞力士為了平衡唔同地區的價差,以免水貨湧現,所以pegged住美元的香港,想加價都好難。截至昨日和海迪吹水時,佢尚未收到瑞士方面加價的通知(通常錶廠一通知,翌日就會生效)。佢估錶廠都想睇定啲,等走勢平穩下來再決定。
咁香港名錶最後加價的機會大唔大呢?大家成日講瑞郎升值,如果是兌歐元,今年當然繼續睇升;但如果是兌美元,美元今年趨勢都走強喎!經過上周一次過升值後,瑞郎兌美元今年未必會有好明確的走勢。所以,據經銷商朋友不負責任的推測,最後香港名錶加價的機會,都係一半一半,即使要加,預料都只會係幾個巴仙,肯定唔會喪加一成。
勞力士這種為了彰顯身價和保值的產品,價格如溫和上升,對生意反有幫助。朋友說,他個人情願錶商加價,事關他們買貨用港元找數,如加價其存貨即可賺多一截,如加價幅度不大,對已決定買錶的人來說,亦唔爭在。反而,鐘錶界今年更擔憂的是中港經濟前景。

海迪

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載