› 選擇地區
三藩市
紐約
洛杉磯
其他美國地區
香港 台灣 北美
 
2015年01月27日

女神tea time:阿里影業要爆喇 - Fifi

昔日嘅小燕子趙薇,而家擺明要變身做娛樂女皇。  資料圖片

菲菲月中先提到阿里影業(1060),話要keep住留意,一有異動就跟進。呢頭講完,噚日港交所(388)就披露,趙薇同佢老公黃有龍,喺去年十二月二十日場外以每股1.6元,買入19.3億股阿里影業,佔約9.18%股權,成為公司第二大股東。今次趙薇動用咗大拿拿三十億元,除咗證明佢真係好有米外,亦顯示佢對公司前途有信心。
當然你會諗,佢對阿里影業有信心,咁趙薇嘅眼光又信唔信得過先?話說趙薇出名投資了得,又買酒莊,又投資房產。前年執導電影《致我們終將逝去的青春》大受好評,中國票房狂收七億人仔。就喺早兩日,趙薇就與廣東省廣告股份、珠海合智文化傳媒、看寶文化傳媒共同出資五千萬人仔成立娛樂公司,而單係趙薇一人,就豪掟二百五十萬人仔投資。該公司未來將整合節目製作、廣告營銷、活動策劃與發行。昔日嘅小燕子趙薇,而家擺明要做娛樂女皇!首先,佢了解娛樂圈,又多朋友,要搵天王巨星話咁易。而家一拎就拎三十億元出來做阿里影業第二大股東,佢冇可能唔使出渾身解數去搞大呢間公司。
阿里影業本身已經星光熠熠,包括馬雲同李連杰。集團首部電影《擺渡人》更係由張嘉佳導演、王家衛監製、梁朝偉主演。而家加上趙薇效應,股價又橫行咁耐,條街貨乾,睇怕都係時候爆發。

Fifi
http://www.facebook.com/lovefrystock
本欄逢周二、四刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載