› 選擇地區
三藩市
紐約
洛杉磯
其他美國地區
香港 台灣 北美
 
2015年01月27日

中環在線:
被問到廉署調查 摩通前高層快閃 - 李華華

方方噚日喺論壇上演講神態自若。  江俊豪攝

摩根大通前中國首席執行官方方舊年初忽然辭職,之後不斷有消息指佢捲入美國監管機構對摩通聘請內地高層子女嘅調查,又話佢俾本港廉署調查。雖然佢嘅負面傳聞不斷,但係方方時不時都有公開露面,噚日佢又出席一個以色列投資論壇喎。
方方噚日喺論壇上表現輕鬆,神態自若,亦好大方咁介紹自己𠵱家做緊乜。佢話自從舊年退休之後,都仲係幾忙,𠵱家主要做緊政府策略發展委員會成員,又會去大學出任導師;此外,佢依然活躍於金融業,正幫家族做投資,亦有為保險公司管理基金,不過佢就冇具體講明邊間保險公司。
會上佢提及目前創投基金嘅市場情況,指大量資金追逐較少具質素嘅創新企業,做企業比做創投基金更有優勢,創新企業嘅估值分分鐘可以喺半年內升一倍云云。佢喺會上口若懸河,會後就變得十分低調,被問到傳聞中嘅調查,佢放底一句「冇嘅,冇嘅」就閃了。

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載