› 選擇地區
三藩市
紐約
洛杉磯
其他美國地區
香港 台灣 北美
 
2015年01月29日

樂香園:仲輸入內地專才? - 海迪

隨着大量內地從業員湧港,他們質素參差,僧多粥少下,拉低行業的薪酬水平。

昨日密西比話有芬佬對金發局最新發表的人力資源報告感不滿。無獨有偶,海迪的基金朋友持差不多看法。近年本港基金界過度擴張,大量紅色資本來港設立中小型基金公司,十個民企老闆、五個都開隻fund來炒股。近年求其一間三、四線上市公司開個業績簡報會,都可以有百幾、二百名投資者參與就知。公司當炒的話,逼爆四季酒店大禮堂亦是等閒事。望落業界好景?其實早就外強中乾,想raise新錢已經好難。
隨着大量內地從業員湧港,質素極為參差,僧多粥少下,拉低整個行業薪酬水平。海迪聽過最極端的例子,有Buy-side初級分析員人工連幾萬蚊都無,可能比打份政府工、做中學教師搵得仲少。最近被某美資行裁出來、有ranking的分析員,聞說要割價搵工。所以金發局話行業請唔夠人?真係唔知佢點得出呢個結論。
從內地輸入的究竟真係「專才」,還是純靠關係來港的人?有做中資投行的朋友曾抱怨,最痛苦就是要安排那些官二代、富二代來港做暑期工,唔畀嘢佢哋做又死,畀嘢佢做死得更快。

海迪

相關新聞:近年睇市近乎全估錯

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載