› 選擇地區
三藩市
紐約
洛杉磯
其他美國地區
香港 台灣 北美
 
2015年02月05日

中環在線:金髮女郎要求合照
郭思治長城晒肌肉 - 李華華

郭思治今年踏入六十歲都可以操到呢副身材,真係唔講得笑。

踏入花甲之年嘅大隻佬股評人郭思治(郭Sir)喺北京長城為港男爭光。話說舊年底佢去北京遊長城,行行吓覺得熱熱哋,就除衫散熱。佢唔除猶自可,一除就吸引唔少遊客嘅艷羨目光,仲有位外國女遊客主動上前要求同佢合照㖭呀。
郭Sir喺金融界出名係大隻佬,就連財經界運動健將、三十幾歲嘅會德豐(020)主席吳宗權都冇郭Sir操得咁弗,佢真係拍得住美國漫畫嘅爆肌主角。

狂做sit-up收腹

郭Sir噚日講起,佢舊年十一月去北京出差,當時應該得幾度,佢趁有時間去長城一趟,可能平時做開運動,身體特別好,行兩行已經覺得熱,佢索性除衫繼續行,估唔到竟然有位外國女遊客上前要求合照。郭Sir一向有求必應,當然大方答應,仲擺咗個專業嘅大隻佬pose。
郭Sir六十歲都可以操到呢副身材,其實都係靠少食多運動。佢成日話「飯可以唔食,運動唔可以唔做」,佢每日至少要操一粒鐘,最好係兩個半鐘,仲要狂做仰卧起坐(sit-up)收腹,唔係點樣操到呢六嚿腹肌。
講到食,郭Sir平時食得極少,早餐只食兩隻烚蛋白,午餐係正常人一半或者三分一份量,晚餐只食細半碗飯、一碗水煮菜配肉,就係咁多。華華噚日同佢食晏,就見佢乜都食,食腸粉時仲要點埋甜醬,不過佢之後應該喪做運動消耗番佢。

李華華
mailto:LiWaWa@AppleDaily.com

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載