› 選擇地區
三藩市
紐約
洛杉磯
其他美國地區
香港 台灣 北美
 
2015年02月25日

一周三件:威華達等落鑊 - 錢雋

威華達盈利爆升,又係現金牛,前景看俏。 互聯網

威華達(622)嚟緊派發上年成績單,有盈喜之餘,集團又係場內股壇嘅高高手,大把銀彈,牛三等發圍。
威華達前排發盈喜,話嚟緊二○一四年成績單,盈利會大幅增長兼係唔少過2.6倍,去到唔少過5.1億元。單計呢年嘅成績,威華達PE由家陣十一倍,跌到得番三倍。

盈利爆升迎牛三

威華達有盈喜,主要係受惠投資公平值收益增加。而睇番集團再對上幾年金融資產,主要係揸住仲未沽清嘅港華燃氣(1083),但港華係慢打鑼嗰種,所以,有理由相信,威華達係得益於其他新近嘅投資,包括證券在內嘅金融資產,導致盈利爆升,威華達原來都係股壇高高手。
成件事咁睇,威華達二○一三年尾時有現金十七億元,而對上幾年,集團持續售非核心業務,已經再冇大project喺手。又威華達曾經提過有意參與頁岩氣,但最後再冇下文。威華達係超級現金牛,若果唔用嚟搞新業務,齋擺喺度收息,冇更大value added,與其係咁,場內兜番兩轉,好似家陣,博資產升值,冇壞。
又威華達到上年中,唔計揸住高流動性金融資產16.6億元,單係現金,仍然高達13.7億元,借款得四千四百萬元咁大把,淨現金有十三億元,同家陣市值十五億元差無幾。銀彈多,若果嚟緊日子,中、港牛三,食住呢潮浪,威華達增值更肥仔。
又威華達現價(0.213元)得0.39倍PB,以證券金融瓣數睇,呢個PB,又係行內至便宜,券商股仍然係嚟緊嘅日子一個大熱topic,威華達亦有得諗。
喺呢轉買威華達,只係當反映番上年7仙EPS,都講緊要升33%到0.283元,到時,集團PB都係得0.52倍,未有耐追到券商行家。

錢雋
細價股專家
本欄逢周二、三、五刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載