› 選擇地區
三藩市
紐約
洛杉磯
其他美國地區
香港 台灣 北美
 
2015年03月17日

樂香園:老鳳祥逆市開舖的盤算 - 海迪

當香港珠寶商生意跌到嗌晒救命時,老鳳祥竟然貴搶尖沙嘴及旺角兩個巨舖,進軍香港。 資料圖片

正當香港珠寶商生意跌到嗌晒救命時,在內地擁有逾二千六百間分店的金舖老鳳祥,心口竟然掛住個勇字,今時今日才來貴搶尖沙嘴及旺角兩個巨舖,進軍香港市場。
有業內人士就食住花生咁話,喺香港賣珠寶,八成銷售都是來自內地遊客,你話內地人專程來香港購物,會唔會唔買香港品牌?反而幫襯在大陸日日都見到的牌子呢?
而且老鳳祥雖然在上海老家及江蘇一帶頗有競爭力,但一落到廣東省,其實已經唔掂。所以朋友說,老鳳祥來香港,其實只是做吓branding,根本唔構成威脅,況且開金舖,蝕極都有個譜,相信老鳳祥計過條數,亦唔志在。
其實,珠寶商決定開唔開一間舖,條數應該是怎樣計算?金舖的純利率一向唔算太高,一般賺8至10%已經很不錯。但由於他們賣的產品價格夠貴,所以即使賺幅唔大,仍足夠他們應付皮費綽綽有餘。
香港三間主要珠寶商,他們租金及人工成本,只各自分佔其銷售比重約5%,較其他零售商和食肆,動輒達一、兩成輕鬆好多。
以某龍頭為例,他們的business model,是有本事做到開舖第一個月,就即刻賺錢,所以多年來才一直「開到盡」。分析員朋友計過,即使珠寶商現時每個月生意大跌兩成,跌足一年,都仍未跌到要蝕錢。只是盈利大倒退、關舖及裁員,可能就在所難免。

海迪

相關新聞:瀋陽久光百貨 去年虧損億元

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載