› 選擇地區
三藩市
紐約
洛杉磯
其他美國地區
香港 台灣 北美
 
2015年03月18日

中環在線:馬會副主席
沽海富中心賺近億 - 李華華

周永健持金鐘海富中心二十二年,今次沽貨勁賺。 資料圖片

馬會副主席、香港律師會前會長周永健最近做咗單買賣,應該開心過拉頭馬。佢啱啱以一億二千二百萬元,賣出金鐘海富中心一個高層海景寫字樓單位,賬面賺近一億。
呢個海富中心寫字樓位於一座二十二樓,超過六千平方呎,周永健早於一九九三年大約以三千萬元買入。根據土地註冊處資料,呢個單位喺上個月以一億二千二百萬元賣出,即係佢持貨二十二年,一鋪勁賺九千二百萬。
今次成交個單位對正𨋢口位,又望到海景,據聞曾經係周永健間律師樓嘅所在地。不過,間律師樓已經喺舊年搬咗去附近花園道中國工商銀行大廈,所以海富中心呢度就交吉出售。單位曾經每呎叫價二萬一千蚊放盤,雖然最後每呎輕微減價一千蚊賣出,但係都已經賺到笑喇。

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載