› 選擇地區
三藩市
紐約
洛杉磯
其他美國地區
香港 台灣 北美
 
2015年03月31日

每日一趣:基金轉場手續多 - 黃尹華

中證監放行內地基金可以透過港股通買港股。 資料圖片

中證監上周五放行內地基金可以透過港股通買港股,市場憧憬基金好快來港撈貨,唔少H股大升特升。其實如果對內地基金業有認識,就會知道冇咁簡單。內地而家超過有700隻股票基金,要買港股,就要改合同,擴大投資範圍,過程非常繁瑣。
之前中證監曾經放開公募基金可以買股指期貨,但結果幾乎冇基金為此修改合同。因要召開持有人大會,投票通過,然後報批,基金公司都唔願意多事,驚多生枝節,反而令舊客走去贖回基金。恐怕呢次肯為港股通改合同的基金亦唔會多。就算即使願意改合同,成個流程都要幾個月。
業界反映話,基金公司寧願成立新基金,話明會投資港股通。新基金同樣要經過報批,集資過程,要幾個月先搞掂。之前QDII基金受冷落,好難話第日港股通基金會受追捧。

黃尹華

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載