› 選擇地區
三藩市
紐約
洛杉磯
其他美國地區
香港 台灣 北美
 
2015年04月28日

魚樂無窮:
賺錢靚殼七折大平賣 - 唐牛

慕詩國際老闆陳欽杰咁識炒樓,善價而沽呢個道理冇人夠佢清楚。 資料圖片

沙田第一城樓價升到飛天,呎價全部過萬,你買咗隔籬河畔花園,自然水漲船高。「唓!我買嚟自住嘅,有鬼用咩!」無錯,你一日唔賣,都唔會有錢落袋,但你阻止唔到河畔花園樓價跟住升。正如星爺喺「回魂夜」所講,「七孔流血還七孔流血,死還死。」擺明係兩回事嚟嘅。
股票市場一樣,中港融合,殼股有價有市,以主板殼價5億計,未來呢個水位樓下嘅公司肯定絕迹。就算揸fit人冇意賣盤,但在市場調節機制之下,股價依然會自我膨脹。
今日推介嘅慕詩國際(130),就係最佳例子。眾所周知,慕詩主打女裝市場,業務遍佈中港,年年賺錢,更連續十多年無間斷派息。點解咁利害?睇番資產負債表,真相大白了︰手頭現金2.1億銀,零負債,每股含金量達四成,財務狀況健康到暈;每股NAV2.53元,現價1.86元,變相七折有售。
一隻往績咁好嘅股,有齊靚殼嘅條件,但市值竟然只得5億,十萬個不合理,就算唔賣殼,都冇理由大低水。再講,老闆陳欽杰乃炒樓高手,新近沽出太古城單位,輕輕鬆鬆執五球,善價而沽呢個道理,冇人夠佢清楚。佢揸住慕詩近七成股權,一個轉身就可以射個三分波,近期交投轉旺,小注買入博有消息跟尾又得,博追回差價亦得,得咗!

唐牛
https://www.facebook.com/tongcow88

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載