› 選擇地區
三藩市
紐約
洛杉磯
其他美國地區
香港 台灣 北美
 
2015年04月28日

女神tea time:
平到笑的毫子股 - Fifi

華建大股東兼主席柯俊翔官司多多,仲搞到幾乎破產。 資料圖片

港股禾雀亂飛,細價股喪炒,藍燈籠滙控(005)都喺憧憬遷冊下連升兩日。身邊有連股價基本概念都冇嘅朋友,都話想加入戰團,仲話一定要短炒,最好只係玩一日就爆升。問題係,一如內地傳媒報道,話於大牛市下,話好多股民患「賺錢焦慮症」。呢班股壇初哥,賺到個心雄咗,就將全部精神放喺報價機上,升跌一格都令心情大起大落。
如果散戶初頭玩,又唔貼市,就走去玩啲擺明短炒嘅股,心理壓力大之餘,輸咗都唔知咩事。唔係叫初哥買藍籌,但建議於熱門板塊,搵啲可中短線持有嘅股,拎個「炒股」感覺先。
上周推介嘅漢傳媒(491),至今升咗24%,都叫有所交代,今日推毫子股華建(479)。先講市值,至噚日收市只係3.3億,而家一隻主板殼5億,兩個字,超值。第二就係大股東兼主席柯俊翔官司多多,不斷俾人追債,仲搞到幾乎破產。大股東冇水,你可能擔心佢會用公司去批股抽水。咁你就真係唔使騰,事關佢持股只係10%,就算佢批股都唔夠票,所以極安全!
正因為佢少貨,即係話只要條街有人睇中,要敵意收購都好易,有心人一心要殼,自然大炒等炒,甚至係炒到去5億市值都不為過。大股東冇錢,根本毫無還擊之力,只有硬食。以5億市值計,即係每股0.199元,潛在升幅五成。近日股價終開車,可跟!

Fifi
http://www.facebook.com/lovefrystock
本欄逢周二、四刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載