› 選擇地區
三藩市
紐約
洛杉磯
其他美國地區
香港 台灣 北美
 
2015年05月12日

每日一趣:騎呢改名升停板 - 黃尹華

上海房企多倫股份申請將公司改名為「匹凸匹」(「P2P」的普通話諧音),結果升到停板。 資料圖片

「匹凸匹」係點解?恐怕一般人都諗唔到,原來係「P2P」(網絡金融)的普通話諧音。上海房企多倫股份噚日發公告,申請將公司改為呢個古怪名,以示進軍互聯網金融,結果股價升到停板,真係字字萬金。
咁都未算騎呢,因為個名太古怪,上交所特登做出詢問。公司噚日同時公佈回應上交所函件,話到明公司今次業務轉型尚處於設想階段,一無正式業務開展、二無人員配備、三無專業的可行性論證,至於經營範圍變更也尚未獲得工商部門審批。主動承認所謂互聯網金融只係得個講字。
而家搞互聯網金融係A股當紅炸子雞,只要有概念,就可以雞犬皆升。甚至連概念都唔使,直接話公司要搞互聯網,股價就爆升。市況已經癲到,就算好似多倫股份咁擺明搵笨,股民亦一樣受落。

黃尹華

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載