› 選擇地區
三藩市
紐約
洛杉磯
其他美國地區
香港 台灣 北美
 
2015年05月17日

張天生:散戶記住「三不」

在本地最大券商新鴻基打滾27年、第一代股票經紀的香港證券業協會永遠名譽會長張天生,歸納出「三不」,應付今次大時代,就是不要大貪、不要玩身家、不要借孖展。
港股五次大時代,在張天生眼裏最慘烈的一次是在剛過去2007至08年的金融海嘯,他說:「1973年同1987年,雖然跌得犀利,但始終玩嘅人唔多。」至於1997至98年,他指,當年政府有入市,反而市民在樓市損失更大。

相關新聞:投資導航:股壇元老論當年今日大時代

見盡無數贏家輸家

「2007至08年嗰時,好多人輸accumulator!嗰時又多銀行賣,好多人輸。」他解釋:「Accumulator可能平現貨2%,但你可能要日日接,個市唔好都要接,但又賣唔切。」令不少人損手。
當年令恒指炒上32000點的,就是港股直通車的消息,令投資者進入瘋狂狀態,張天生說:「同今次滬港通唔同喎,滬港通係雙向,直通車係人哋啲錢流去你個市場,諗真啲,邊會咁唔公平。」
經歷過穿着號碼背心的出市員,由用粉筆畫黑板,到改用箱頭筆,以至今日全電腦交易,數十年經紀生涯,張天生見過無數贏家及輸家,他坦言,「見輸多過贏,尤其是與莊家對賭的,輸到走佬,輸到由大老闆變番做經紀嘅都見過。當然做莊嘅發大達亦有存在。」

目前港股還未升完

面對今次大時代,他指,今次升市由3月底至4月初開始,有不少資金湧入,其中中資資金入市盲目,「喺佢哋眼裏只有贏,唔知輸。」市場風險大,幸好大市現在有些調整。
他認為,香港市場好在由英國殖民地下建立出制度,內地制度相對飄忽,資金自然會進入港股市場,所以認為個股市未升完,不過,他亦建議散戶,「千其唔好借孖展,唔好太貪,亦都唔好買晒(身家),1,000萬身家,買600萬就好。」選擇質素好的企業,以保值為前提,見好要收,若不熟悉,千萬不要投資衍生工具。

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載