› 選擇地區
三藩市
紐約
洛杉磯
其他美國地區
香港 台灣 北美
 
2015年05月26日

智取大市:華富大茶飯等破頂 - 晉佳

中央每次都趁港股長假期嚟做嘢,上次復活節假期後嘅市況唔使多講,今次搞中港基金互認,噚日A股又爆升,A股上市港股ETF升6%至7%,打個五折,今日開市都升爆錶,睇嚟又一次長假期後喪挾。當然基金追貨好難有復活節嗰次咁犀利,但應該令港股快速破頂。
究竟個市有幾好,就不妨用隻惠理(806)嚟做探熱針。話說上星期五宣佈中港基金互認之前,惠理股價已經爆升,「金手指」謝清海唔放過機會,大手高價減持,計番套現總值竟然接近舊年呢個時間金手指總持股價值,咪話唔誇張。
究竟今日係金手指做淡友贏、定係散戶贏?今日自有分曉,晉佳當然係希望散戶砌低金手指,先至顯示到牛市夠晒亢奮。若今日惠理照樣爆升,印證市場夠晒hot,買股就唔好問點解,皆因萬物眾生皆升,夠膽衝才是贏家。反之惠理今日唔升,反映市場仍有一點點理性,入市策略要同上星期相若,睇定先衝,係理性咁衝。
但即使散戶今勻能夠鬥贏金手指,呢種login網上股票戶口難過揀中爆升股嘅日子,相信唔會維持好耐,因為散戶不可能長勝。參考2000年科網股牛三一役,走勢同目前極為較近似,以圖論勢,估計今次港股牛三玩多三幾個星期就會完結。
以momentum計,呢一轉牛三,晉佳估計恒指要破三萬點都成疑問,你買指數股就非常蝕章。藍籌股喺牛三餘下時間已經non event,基本上可以不理。而家講穩健之選,有業務基礎就得,其中,本地券商股好難唔翻炒。

中短線睇2.8元

華富國際(952)之前同民銀國際簽署諒解備忘錄,民銀國際大手購買華富新股之餘,仲會以每股1.38元全購。民銀唔係向華富直接全購,而係大嗱嗱拎至少49.7億元現金注入華富,未來只得兩個可能性,第一,係華富未來將擁有龐大商機,要有大量現金支持發展,公司有50億cash,自然要再槓桿,未來講緊幾百億元生意等住做,以母公司民生銀行嘅脈絡,肯定大把世界。第二個可能性,係民生國際打算向華富注入業務,現金可以用嚟支付收購代價,同樣有後着。
睇圖華富復牌後,由高位2.4元打落去1.7元樓下,然後回穩,今日回升機會大,睇之前玩重組嘅南北車、中石化油服(1033)以至廣船(317)都係宣佈重組復牌後股價回落,之後再破頂,照睇華富要破2.4元係遲早,今日追貨中短線睇2.8元。

晉佳
http://www.facebook.com/pages/ 晉佳/719009541518415
本欄逢周二刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載