› 選擇地區
三藩市
紐約
洛杉磯
其他美國地區
香港 台灣 北美
 
2015年05月31日

大棋局:中國破局──中國夢 - Mr. Tregunter

一旦經濟下行就容易激發社會矛盾,於是中國領導層要提出「中國夢」。 資料圖片

「嘩,升800%!」、「吓,又跌三成?」、「A股化喇,A股化喇……」A股化已成為股民新口頭禪,但何謂A股化?若用一句話概括,就係有今生,冇來世。和內地人接觸得多的話應有同感,有相當部份人賭性極強,好似今日唔去到盡,聽日就會被時代淘汰。究其原因,係中國人睇唔到未來。
中國六四後實際上行一套上壓右疏政策,政治上一切打壓,但人需要宣洩渠道,所以要右疏,即引導全國上下所有精力都只為搵錢。久而久之,舉國上下嘅核心價值觀只剩錢同權力。遇到問題,凡事以權錢了斷,冇的話你注定坎坷,於是冇人唔相信街邊跌到嘅阿婆唔係為敲詐,上到法庭法官會問:「唔係你撞到佢,你點解要幫佢?」稍為有錢的人都將身家財產老婆仔女送出國,如同非洲草原動物大遷。國人人心之躁動,乃三千年之所未見。
社會上所有不公,經濟上行時會沖淡,有人會為咗錢而忍,但當經濟下行時,積壓嘅矛盾就容易激發。現時中國領導層明顯洞悉到問題所在,所以先有「中國夢」嘅提出。夢,就係賣將來。呢個夢並唔單止係賣畀國人,亦賣畀外人,向所有國家展示經濟唔好唔使驚,有錢入嚟齊齊搵。
美匯92至95左右係短底,盤底後將會再次殺上,從技術走勢而言最少見120;日圓第三浪貶值亦即將開始,兌美元相信會見130甚至140以上。美元萬劍歸宗係一度扯力,日圓貶值則係包抄,熱錢有撤離中國之虞,同時出口更加難做。當資金大逆轉嘅時候要睇兩條數,一為資本賬,另一為經常賬,前者即金融,後者即貿易。兩條數只要其一為正,都仲頂得住。但若然兩條數都負,情況將會嚴峻。國企合併係安內,築夢係安心,下一步,就係突圍。

Mr. Tregunter

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載