› 選擇地區
三藩市
紐約
洛杉磯
其他美國地區
香港 台灣 北美
 
2015年06月03日

中環在線:
伯南克首來港演講 - 李華華

伯南克的打扮同以往做主持議息記招一樣,全套老西上陣。 李潤芳攝

世界經濟論壇另一位重量級講者係美國聯儲局前主席伯南克(Ben Bernanke),華華以往只係睇電視或報紙見到佢,原來真人跟上鏡差唔多,佢亦係首度來港,演講一粒鐘,可惜冇接受台下觀眾提問,冇得問佢點睇息口走勢。
伯南克一做8年、舊年初卸任聯儲局主席,有傳佢首場演講嘅報酬有25萬美元(195萬港元),大會今次應該都係重金禮聘伯南克來港演講。
市場關心息口走勢,但伯南克似乎不在其位,不謀其政,噚日冇提美國息口,反而展露幽默一面。佢話,寶貝女Elisa曾經被學校室友問佢爸爸做邊行,Elisa回答話「我爸爸做聯儲局主席。」點知佢同學仔即刻話:「哦,即係格林斯潘啦!」即時引來哄堂大笑,伯南克自嘲,知名度始終不及格林斯潘。
伯南克之後主力講番金融海嘯嘅救市經歷,包括救AIG與雷曼爆煲事件,話當時壓力真係大到不得了。
佢人在香港,都有讚番幾句,佢話香港嘅角色好重要,帶領中國連接世界經濟;佢又預期中國經濟唔會爆煲,相信中央政府有方法搞得掂。

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載