› 選擇地區
三藩市
紐約
洛杉磯
其他美國地區
香港 台灣 北美
 
2015年06月18日

女神tea time:油氣改革概念股 - Fifi

中國油氣作為中石油合作夥伴,一旦改革正式推出,商機自然滾滾來。 資料圖片

之前跌到七個一皮的數字王國(547),噚日見到反彈6%,成交都有成2億幾,證明接貨者大有人在。然而「數字亡國」由上演爆升一幕開始,一早已乾晒貨,去到市值升到癲價,啲莊已袋袋平安走人啦。隻股爆完後,目前就只有散戶互片,仲要一街蟹貨,想大升都難。你覺得佢由3蚊跌到去7毫子好抵?咁你就真係自求多福啦。
今日推隻國策受惠股中國油氣(702)。港股A股化係不爭事實,國策大於一切。國務院5月時已重申油氣改革。另外,大家知油氣改革,一定會牽涉油氣央企改革,至上月初,三桶油同日公佈人事變動。市傳中石油(857)及中石化(386)油氣管道輸送業務,有機會進行分拆成獨立的「國家油氣管網公司」。三件事加埋,就只有一個結論,就係暗示改革行動將會加速推進,早前有傳改革初步方案或於今年6月或7月公佈。
中國油氣作為中石油合作夥伴,冇可能唔受惠。當改革正式推出,公司泊着大碼頭,商機自然滾滾來。更重要係公司周一宣佈,向Harvest Progress發本金額1億元可換股債券,年息8厘,為期24個月。初步換股價為0.226元,較公佈前股價高4.15%,更較昨日收市價0.212元高6.6%。新股東肯溢價接貨,現價買你安全過佢。走勢上,股價正沿上升通道行,可買入博好消息。

Fifi
http://www.facebook.com/lovefrystock
本欄逢周二、四刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載