› 選擇地區
三藩市
紐約
洛杉磯
其他美國地區
香港 台灣 北美
 
2015年06月22日

睇吓鮮:新加坡榴槤商機 - C+B

美國加息慢行,美元升勢亦放慢步伐。 資料圖片

美國加息慢行,本港加息憂慮降溫,美元升勢亦放慢步伐。不過希臘債務仍未解決,如果希臘選擇退出歐元區,問題唔會一筆勾銷,形同將國家推落無間地獄。
《經濟學人》分析話國際債權人之一IMF計過數,希臘想棄用歐元並重用舊貨幣德拉克馬,將現有資產同債務,由歐元轉用舊貨幣計價將減值近半。聽落希臘有着數,但係民眾手揸嘅100蚊得番50蚊,衍生經濟同民生問題多多。由於貨幣貶值,隨之引發進口價格飆升,IMF亦預測希臘通脹高見35%,國內生產總值跌8%,民眾到時可能連想買個麵包填肚都負擔不起,甚至出現希臘難民潮。上世紀90年代,歐洲國家捷克斯洛伐克解體,兩個國家分離後用6個月先可以推出新貨幣,前車可鑑。
最近,馬來西亞馬幣滙價勁跌,過去一個月累積下跌3%,成為亞洲最差貨幣。馬幣喺1998年亞洲金融海嘯曾經同美元掛鈎,每美元兌3.8馬幣,2005年恢復滙率自由浮動。今次馬幣跌浪造就榴槤商機,最大得益者係揸坡紙嘅新加坡人。馬幣兌每新加坡元見2.7水平,1蚊坡紙可以當3蚊馬幣用,所以新加坡人趁周末過境買榴槤、食飯同去超級市場掃日用品。聽講靚榴槤喺新加坡可以賣到40坡紙一個,約230港元。馬來西亞的生果檔商販都話手機每10分鐘收1次柯打,仲未計facebook同WhatsApp的落單,真係好誇張。

C+B
本欄逢周一刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載