› 選擇地區
三藩市
紐約
洛杉磯
其他美國地區
香港 台灣 北美
 
2015年06月23日

女神tea time:捕捉線上教育股 - Fifi

早前市場傳阿里巴巴投資鳳凰傳媒。 資料圖片

政改大比數被否決,就係因為等埋發叔拖時間。田少話邊有咁多陰謀,主要係因為豬咁蠢。好老實講,我寧願佢哋真係有陰謀,知道而家代表香港人嘅,就係一班犯咁低級錯誤嘅議員,講起上來係香港嘅不幸。
入正題,今日推介創聯教育(2371)。創聯主要業務為提供網絡培訓和教育服務,係內地在線教育的最早涉足者之一。內地於科網政策上,其實比香港先進得多,當香港嘅科網發展要等埋發叔時,內地已講緊要大搞互聯網+,中共教育部早前發佈嘅文件提出,將借鑑國際先進經驗,大規模推動線上開放課程。
早前市場傳出阿里巴巴諗住投資內地上市公司鳳凰傳媒,持股比例或將達32%,阿里將與鳳凰傳媒在圖書出版、遊戲特別是教育方面展開深入的合作,市場甚至認為,不排除阿里未來收購鳳凰傳媒。由此可見,線上教育係大勢所趨,內地線上教育概念股早幾日已爆升上去,不過上周借大市回吐回氣。
然而,香港呢邊上市嘅創聯教育,上月底又以200萬元人民幣對海創星匯增資,完成後將持股20%。海創星匯是一家新興的線上教育開發的互聯網科技公司,運營自主品牌愛腳印網站。公司之前亦有一系列集資活動,似有動作。睇圖表6月12日破旗兼創新高,或係內地資金換馬,股價整固後有望醞釀再破旗。

Fifi
http://www.facebook.com/lovefrystock
本欄逢周二、四刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載