› 選擇地區
三藩市
紐約
洛杉磯
其他美國地區
香港 台灣 北美
 
2015年06月24日

職場慧眼:職場新人問 - 張慧敏

作為新人,最需要的是勤奮用心認真的學習,待人接物必須要誠懇有禮。 資料圖片

「Son ma。想請教,新入職,對於人和事好多都唔熟悉。公司入面我最年輕,同事大都係媽媽級,我都唔想刻意埋堆,打算做好自己就算。但有人說這樣不好,究竟有需要咁急進嗎?再加上我都感覺上有啲同事唔係咁好,有時唔明有需要問,真係唔知搵邊個。究竟新入職有咩要特別注意?」
你是個剛踏足社會的職場新鮮人,公司裏外上下左右你何只不熟悉?應該要學要問求教求救的事多的是,正如你自己都識講,偏偏問教無門,問你點算?你的性格本來孤僻,你私底下如何做人沒有人管得你着,最多做個孤獨精。但絕不能與工作混為一談,尤其你是個新人工作根本未上手,即使你有經驗,都不可能單打獨鬥,你必須學習更要懂得和上下左右裏外的同事合群合作,發揮團隊精神,方可成事。所以盡快和同事們建立友好關係是應該,為甚麼你會認為是急進?
凡事都是雙向的,你看同事不入眼覺得人家不好,在那些同事的眼中,你不一樣是個難相處冇禮貌不理睬同事的新人?You only got one chance to make a first impression。這份工的「頭」你開得差,你要是企硬自閉玩性格不肯作出改變的話,你究竟如何能夠繼續做?關係,需要時間建立,平日cool到爆說話都唔多句,有起事來想找人幫?睬你都儍!
作為新人,最需要的是勤奮用心認真的學習及工作態度,待人接物必須要誠懇有禮,不明白的就問個明白,有交帶負責任。最忌一知半解自以為是叻唔切,注定撞板多過食飯。不要怕蝕底,做得多才會學得多,只有賺沒有蝕底這回事。
還有,教材不管是正是反,都是教材,都不失其學習的價值。畀心機,知道嗎?

張慧敏
http://www.facebook.com/HKcareerdoctor

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載