› 選擇地區
三藩市
紐約
洛杉磯
其他美國地區
香港 台灣 北美
 
2015年06月29日

睇吓鮮:女股神豪氣啟示 - C+B

上周五滬深股市大跌,女股神劉央卻表示:跌了再買,有錢再買。  資料圖片

有錢就是任性,而女人有錢就是更任性!上周五滬深股市大跌,女股神劉央淡定回應:「跌了再買,有錢再買。」有時候,女人豪氣的確可以比男人更甚。女人嘅豪氣跟年齡或外表無關。例如做咗人妻嘅AngelaBaby,佢曾經喺訪問被問到,若黃曉明婚後變窮咁點算?Baby諗都唔使諗就話:「當然我養佢啦!」
女人嘅豪氣同國籍無關,天下女子一樣豪。日本最近有調查話,資產有一億日圓(約628萬港元)或家庭每年收入最少二千萬日圓嘅東瀛女富戶,當中17%人話每月零用錢不設上限。豪得起嘅女子都有共通點,對投資有高度敏感。例如上面提到嘅日本調查,六成五受訪日本女富戶高度關注資產投資。
至於普羅大眾嘅日本女士,雖然欠缺大筆資金入市炒股,但喺二手物品買賣市場展現另類豪氣,一卡卡鑽戒賣出去,奉行要錢唔要貨。安倍經濟學推動日圓貶值,日本民眾都要承受Yen跌之苦,即係現金越來越唔見使,更令日本女士痛定思痛,與其將隻鑽戒收埋喺櫳底,不如拎去二手店變賣套現仲實際,可以去旅行之餘又可以食番餐填飽肚。據日本財務省最新統計資料,今年首四個月嘅日本鑽石出口,按年勁升77%至3.8萬克拉,合共總值30.1億日圓。而呢批日本二手鑽石,就由香港同印度接貨,各佔整體日本二手鑽石總量三分之一。

C+B
本欄逢周一刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載