› 選擇地區
三藩市
紐約
洛杉磯
其他美國地區
香港 台灣 北美
 
2015年08月06日

中環在線:太興老闆跟風
租直升機宣傳 - 李華華

太興老闆陳永安今日會租架直升機飛去半島酒店。 資料圖片

最近忽然多咗直升機show,有人話豪花幾十萬租直升機求婚,有公司打蛇隨棍上,跟手就話推出直升機平租服務,都唔知裏面究竟係葫蘆賣乜藥。不過既然大家講得興起,做茶餐廳嘅太興都唔執輸,今日搞活動都話要出動直升機,認真巴弊!
太興將產品帶上飛機,今年初開始為香港航空嘅商務艙設計飛機餐,家陣就去埋香港機場開分店,佢哋仲諗住發大去搞,要擴展亞太市場。
其實太興自2011年開始陸續喺新加坡樟宜、上海浦東、海口美蘭、北京首都等幾個機場開咗分店,諗住畀多啲外國人認識,上月底就喺香港機場開埋。佢哋諗住之後繼續開分店,於是今日搞個「擴展亞太機場宏圖」啟動儀式。
為襯番呢個機場宏圖主題,太興老闆陳永安專登租架直升機,由香港某處飛去尖沙嘴半島酒店開記者會,食正最近呢個直升機熱話喇。

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載