› 選擇地區
三藩市
紐約
洛杉磯
其他美國地區
香港 台灣 北美
 
2015年08月11日

金手指:蔣麗芸勇講真話 - 孫柏文

蔣麗芸議員一篇網上言論,引起廣泛討論。 資料圖片

噚日孫柏文見林依麗喺facebook分享一篇蔣麗芸議員網上言論。原本無留意,因林姨姨同蘭花系走得埋,分享兼揼建制派差不多最有戰鬥力嘅元秋,應無驚喜。原來林姨姨鬧蔣議員係因有人問蔣議員關於國內上fb嘅事。段對話先有潘佩璆議員「英雄救美」,話喺大陸用數據漫遊的話係上到fb,但用wifi就唔得。有網友問點解wifi唔得,點知蔣議員親自答:「電訊公司要賺錢。」睇到呢度我忽然感動到差不多喊出來。

政策傾斜 屈機搵錢

點解?因蔣議員差啲為廣大香港市民爆國家機密!上世紀50年代,花旗國總統艾森豪威爾已警告話當政府官僚中,特別係軍隊人員同做軍火製造商走得好埋時,就會有樣叫military industrial complex出現。之後就會用華麗兼逼切理由,運用政策傾斜去屈機搵錢。
當年若花旗國國民覺得佢哋處處受敵,周圍都有外國勢力想摧毀佢哋,國會就好容易通過撥款買軍火。咁關蔣議員咩事?好儍好天真嘅網友純粹覺得中共吓吓都想箝制言論自由,故先大陸禁fb。其實禁任何嘢特別係市民想要嘅嘢,係要用好多資源同政治資本。啲資源同原動力喺邊到來?你諗吓Google入唔到大陸,邊個最得益?fb、WhatsApp入唔到又邊個最着數?成個外國勢力間諜嘅局面係會造就好多商機。即fb入唔到大陸最大原因,就係有人想玩啲原始貿易保護主意。但就咁講冇人服,故就不段製造bogeyman去嚇人。呢招唔係淨係大陸咁玩,花旗國、英國都一樣,只不過佢哋驚嘅外國勢力喺中東。
大家唔好淨係笑大陸,因香港都大把人,因「香港處處外國勢力」大飲奶水、肥肥白白。係邊個?Follow the money就得。最後順帶一提,騰訊(700)周三出業績。

孫柏文
獨立股評人
http://facebook.com/shuen
本欄逢周二刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載