› 選擇地區
三藩市
紐約
洛杉磯
其他美國地區
香港 台灣 北美
 
2015年08月21日

專家論勢:國企改革架牀叠屋

有傳中央計劃將國企以功能劃分,同時將國有資產管理由兩級改為三級。 資料圖片

國企改革喺港股大時代前、中、後都炒得火熱,係目前唯一概念可以經得起股災考驗,因當中涉及國有資產重組同埋資產證券化,中金估計,呢啲資產可能多達100萬億銀,所以只係傳吓,投資者就可以憧憬無限,股價自然升途無限。
不過,國企改革其實仲有一個重點,就係國企管理架構!最近大陸就傳緊一個國企改革終極版──國企改革頂層設計方案,所謂頂層設計方案,即係管理架構,以前一向由國資委持有,監管同管理,佢個權係由國務院授權。
今次改革方案,有傳將國企以功能劃分,同時將國有資產管理由兩級改為三級,國資委同國企之間,加多個國有資本投資公司,令到國資委變成純粹監管嘅角色。換言之,為國企引入專業管理人員,改善過去高管即係高官嘅情況。
若設立國有資本投資公司,控制旗下央企或國企,或可令國資委專心監管,但若國有資本投資公司仍然有高官控制的話,結果只會是多了一層架構,並無改善角色重叠問題。雖然最終方案尚未出台,但以噚日傳出工信局副局長將出掌中移動(941)去推論,似乎「官管分家」機會不大。

流氓

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載