› 選擇地區
三藩市
紐約
洛杉磯
其他美國地區
香港 台灣 北美
 
2015年09月02日

樂香園:有無好消息? - 密西比

港股上月跌近三千點,9月第一個交易日繼續跌。 李潤芳攝

近期與基金朋友寒喧,第一個問題大多是「有冇好消息?」又或者是「個市仲有冇得跌?」總的來說,所有朋友對股市以至經濟都是持悲觀態度,更弔詭的是,中央每一次再出手,如「揼水」在股市「掃貨」維穩,又或者是加重人民幣遠期合約沽賣成本、從而構成支撐人民幣滙價效果的救市措施,市場看法會變得再悲觀一點。
撇開越來越「去市場化」,但仍未能止瀉的A股不說,恒指近期「升少跌多」,單計8月份已累跌12.04%或2,965點,是2011年9月歐債危機以來表現最差月份。原以為踏入9月可以有一個像樣的反彈,想不到又是繼續跌。
後市如何?有歐資投行高層跟密西比說:「根據咁多年經驗(逾20年),每當大市跌咗咁多,無論牛市或熊市,點都有人出嚟買嘢,姑不論結果係睇錯抑或是睇啱,總之點都會有人撈貨,但今次居然係完全見唔到出嚟撈嘢嘅人!不如你答我後市會點吧!」
真的毫無好消息?該高層苦笑說:「周四及五內地無市,跌少兩日,少咗個壞消息來源囉,內地仲拉埋全球最大上市對沖基金英仕曼中國區主席添。」看來9月還是再謹慎些好。

密西比

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載