› 選擇地區
三藩市
紐約
洛杉磯
其他美國地區
香港 台灣 北美
 
2015年09月16日

樂香園:超然市場的特首 - 密西比

張曉明(左)早前談及特首「超然」地位,令全港嘩然。 資料圖片

中聯辦主任張曉明上周六突然在一研討會上表示,特首地位僅「在中央政府之下、特別行政區的三權之上,起着連結的樞紐作用」,更指具有「雙首長身份和雙負責制的責任,使行政長官具有超然於行政、立法、司法三個機關之上的特殊法律地位」,言論令全港嘩然。
有基金朋友於相關言論「出街」不足半小時已致電密西比,氣沖沖地說:「原本大家咪好好地囉,無嗱嗱又攞返呢啲嘢出嚟講……若果好似佢咁講,特首地位咁超然,之後港股若果好似A股咁有乜嘢三長兩短,喺中央指示下,特首係咪可以避過立法會、即刻動用外滙基金入市同救市?若再跌,係咪可以叫證監禁止沽空?」
越說越興起。他說:「若果連禁止沽空都無用,係咪可以叫證監call齊中資券商去長江中心總部開會,籌期研究成立第二隻盈富基金買貨……再唔升,就用擾亂金融秩序嘅罪名,拉晒唱淡後市嘅記者呀財演呀咁,總之大家只可以唱好,齊心力托股市唔可以再跌?」
太誇張了吧?他苦笑地說︰「中央入市前,我夠冇聽過惡意沽空啦。」越想越恐怖。

密西比

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載