› 選擇地區
三藩市
紐約
洛杉磯
其他美國地區
香港 台灣 北美
 
2015年10月16日

專家論勢:
從五中全會搵機會

踏入10月,港股似乎有從第三季陰乾格局走出來嘅氣勢。 資料圖片

踏入10月,港股似乎有從第三季陰乾格局走出來嘅氣勢,內地A股在國慶假期之後,亦都有見底回升嘅迹象,除咗對雙降(減息降準)嘅預期之外,更重要嘅係五年一次嘅五中全會,已經落實今個月底舉行。
五中全會今次已經嚟到第18屆,主要傾嘅係下一個五年計劃,有關於今次五年計劃(十三.五規劃)已經陸續有消息傳出,例如宏觀經濟指標,包括經濟增長目標訂於6.5%;將受到支持嘅行業,例如核電、電商下鄉之類。
相關消息傳出之後,不單只個股,就連個市都炒旺咗。今次個市可以升到去邊,市場有唔同嘅講法,但想知邊樣當炒嘅,可以留意吓五中全會前嘅消息,同會後嘅決議有無落差。
對於未來五年經濟增長速度,由之前一直講嘅保七,到而家只係6.8%到6.9%都當係達標,可見內地經濟增長確實有放緩嘅壓力,不過市場以乎都開始接受,正如剛成為諾貝爾經濟學獎的經濟學家Angus Deaton在其著作所寫,中國經濟高增長時間之長,以歷史標準來衡量,是極不尋常的。

流氓

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載