› 選擇地區
三藩市
紐約
洛杉磯
其他美國地區
香港 台灣 北美
 
2015年11月06日

專家論勢:炒股主題齊湧現

滬綜指對人行澄清簡直是無視,周三埋單升逾4%。 資料圖片

大家上周仲係停晒手,忍了又忍、等了又等,先等美國議息,再睇十三五,結果個市靜到幾乎休市都無人發現;轉下眼,所有炒股主題都在今個星期出現,公安拉人封艇、人行post舊文,再來一個習馬會,突然之間非常熱鬧。
周初先來公安將私募一哥澤熙投資話事人徐翔被帶走,徐翔相關股,包括即將入股,但未開股東會通過的中國七星(245),拖累中港股市下跌,但跌唔夠一日,第二日就有反彈,就好似呢個已經唔再係風險咁。
周二深夜有台灣媒體率先披露,國家主席習近平與台灣總統馬英九將於本周六在新加坡會面,習馬會概念股爆升無懸念,A股計,相關股份已經爆升咗兩日,未有停嘅迹象。對個市影響似乎無乜,一來可能係根本唔知佢傾乜,二來舊文已經蓋過所有!
周內最刺激消息莫過於周三人行post舊文,大家當新嘢炒,港股最多升過700點,但人行清澄後,港股升幅收窄,但滬綜指對人行澄清簡直是無視,越升越有之下,埋單更升逾4%;這個升勢更延至昨日;雖然單嘢好似係人行無恥推舊文,但點解呢個時候出現,確係耐人尋味。個市對個消息反應係……升完可以再升。
總結下市場對三個消息反應,市場將消息解讀為利好多過利淡,對利淡消息解讀為已預期的風險,嚟緊IMF會討論人民幣入SDR,若結果無令大家失望的話,相信市場將會以「好消息」,多過「預期內」待之。

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載